| A - 南非，墨西哥，烏拉圭，法國
B - 阿根廷，南韓，尼日利亞，希臘
C - 英格蘭，美國，阿爾及利亞，斯洛文尼亞
D - 德國，澳洲，加納，塞爾維亞
E - 荷蘭，日本，喀麥隆，丹麥
F - 意大利，新西蘭，巴拉圭，斯洛伐克
G - 巴西，北韓, 科特迪瓦，葡萄牙
H - 西班牙，洪都拉斯，智利，瑞士
望落去全無死亡之組感覺，以往死亡組通常由兩隊超班強國加兩隊一線尾去組成，今年平均得很過份。法國隊竟然可以抽中第8既種子隊(黑哨到呢~~~)，競爭最激烈的應該係G組，或者今屆最有睇頭的是四隊新丁~~期待 |
| |
| 星期日約左去踩單車，原本去好運個頭租車諗住踩完有多D野行，點知佢叫價70蚊日！我仲好埋所當然咁以為係兩架，但細心分析後係一架一日!!!!他媽的你老子~~~35蚊我都覺嫌你貴，你而家比個double我!!!索性過返大圍，相信點都會平過呢度。 一如所料係平左，但都要五草野~~不過都算喇，當我人少同太耐無出黎玩唔知價。今日出奇地熱，但最估唔到就係自己既體能。以前大學由大圍踩到大尾督督再返大圍，但今日未出吐露港已經腳酸，回程仲要大腿抽筋~~~poor!!!今次路程係大圍至大埔海演再折返，如果唔係太過悶熱的話我想會更開心，因為吐露港沿途多左好多靚休息點，仲有科學園都係個唔錯既旅遊地方~~遲d再搵多d人一齊踩車。 |
| |
| 一個住正苦樓住到大既我， 就如一班膠登人(亦有很多人卑視)一樣視公屋為豪宅。 的確沒有華麗大堂， 沒有會所游泳池，更加唔會有大型商場(呢點已經比領會改左)， 但我亦視為安樂窩的首選。只係現在的申請政策下，唯一適合入紙的只有班好食懶飛伸手拎綜援既人去住，因為只要你一家四口有兩個人做緊D低下層工作(6000蚊洗碗/ 5000蚊清潔)，就已經超出上限。 一羣親手培養而投入社會回饋社會的我們，正苦覺得個個大學生一出黎已經月入十萬八萬，唔須要正苦援手。現實是絕大部份大學生都係企業中的勞動階層 ，新仔 $15,000已經比個叻你，我將月入10K-16K既打工仔視之為「在職貧窮」。讀完書好彩既係無產，唔好彩既就係負資產！又要養家養自己，又要交保護費比阿爺(俗稱綠色炸彈)，試問何來嘔筆手期出黎置業 [個體戶計]？ 打咁多野無非今日係新聞裡終於聽到D人話，房協構思中產公屋，雖然十劃都未有一撇，不過已經為這個慨念激動起來。詳情雖然乜都唔知，亦唔知正苦點諗，自己更加可能係申請唔到個位，但一石擊起千層浪，最少有一少撮人訓醒見到這類人的需要，還望各大商家佬不要做「衞道之士」乜乜實實。其實這個意念既好處係比班有心買樓既在職貧窮人仕，係一個比較穩定的環境儲首期。香港既磚頭特別值錢人所共知，業主要加就加，要你走就走，係咁既環境就算經濟好都比班大大小小吸血鬼榨到你乾塘喇！仲有話明公屋當然就無左9成雜費，又可以選擇各大寬頻供應商，你知我講咩喇，無謂畫公仔畫出腸。成事的話短期對租盤或多或少有影響，長遠係對香港房地產百利而無一害，亦為現在的M型社會拉平一點(理想化)~~~ |
| |
| 返工放工，幾點致放工~~~~唔通連個天都唔鐘意我？ 意識開始有點迷糊，唔知自己做緊乜野，好想過返d正常既生活。今日既六合彩頭獎有九注中，真係荒天下之大謬，一個獎金仲低過平時一注二獎的頭獎，中左都唔知好嬲定好笑。(不過平時連$20都無既我講乜丫) |
| |
| BLACK FRIDAY~~~好似得個名而矣，生活也是這樣的過，the show must goes on 尋日難得有人攪睇戲當然要奉陪，嘻嘻哈哈既戲最適合我，調劑下現時的心情。 |
| |
